Sekuestrohen lëndë narkotike dhe municion, tre të arrestuar e dy të shpallur në kërkim

Tre persona kanë përfunduar në prangat e policisë si dhe dy të tjerë janë shpallur në kërkim, në kuadër të një tjetër operacioni për parandalimin dhe goditjen e tentativës për kultivimin e bimëve narkotike.

Policia e Elbasanit ka njoftuar se gjithashtu janë sekuestruar fara kanabisi, bimë narkotike kanabis dhe minicion.

Sipas njoftimit zyrtar, shërbimet e Policisë Elbasan kanë evidentuar dhe goditur një rast të tentativës për kultivim të kanabisit duke arrestuar në flagrancë shtetasit:

M. B., 32 vjeç, D. B., 39 vjeç, banues në Elbasan dhe F. G., 47 vjeç, banues në Krrabë e Madhe, Tiranë.

Gjithashtu, janë shpallur në kërkim dhe po punohet për kapjen e shtetasve:

L. B., 30 vjeç dhe I. B., 83 vjeç, banues në fshatin Krrabë e Vogël.

Arrestimi i këtyre shtetasve dhe shpallja në kërkim e bashkautorëve u bë pasi kanë tentuar për të kultivuar fidanë cannabis sativa në një zonë të pyllëzuar në fshatin Krrabë e Vogël.

“Gjatë kontrollit të ushtruar nga shërbimet e Policisë në banesën e shtetasit I. B. janë gjetur dhe sekuestruar në cilësinë e provës materiale 26 fishekë dhe fara kanabisi.

Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale”, tha policia.