Një zjarr shqetësues ka rënë sot në një zonë pyjore të dendur, e cilësuar si mushkëria e 3 bashkive, atë të Patosit, Roskovecit dhe Ballshit.
Bëhet fjalë për vendin e quajtur Lofkend, drejt të cilit janë nisur forcat zjarrfikëse të këtyre bashkive kufizuese por edhe të Albetrolit.
Burime pranë vendit të ngjarjes bëjnë me dije se zjarri është i madh dhe po përhapet me shpejtësi, ndërkohë që terreni i thyer e bën thuajse të pamundur ndërhyrjen me mjete.
Nuk dihet shkaku i rënies se zjarrit në këtë zonë pyjore të rëndësishme të vendit.
