Ish-kryeministri Sali Berisha ka refuzuar të japë një koment për kandidatin e favorizuar për të fituar zgjedhjet për kryetar në Partinë Demokratike.
Në emisionin “Zonë e Lirë”, Berisha u pyet se cili nga katër kandidatët për kryetar në PD do fitojë zgjedhjet.
“Asnjë përzierje në këtë garë”, u shpreh ish-drejtuesi i Partisë Demokratike.
“Vetëm më vjen mirë që është një garë. Nëse partia tjetër s’bën garë është në traditën më të konsoliduar të monizmit. Kjo parti me gjithë vërejtjet normale që analistët e gazetarët kanë, jo të përsosura, po zgjedhje bën”, tha Berisha.
A duhet të ikte basha, edhe pse humbja në zgjedhje nuk erdhi vetëm për faj të tij?
Berisha: Në prag të zgjedhjeve i vë vetes censurë të plotë, kur të vi herës tjetër do flas të gjitha mendimet e mia për këtë punë, por tani jo se janë në garë ata. U çudita vetëm që u vendos kaq shpejt se aty ishin dhe këta që kërkonin dorëheqjen e Bashës dhe këta që ishin pro tij dhe vendosën unanimisht datën 13 qershor. Unë s’shkova në mbledhje. Derisa unë vendosa të mos shkoj të drejtë morale që të bëj oponencë nuk kam.
Ish-kryeministrit iu kërkua një opinionin lidhur me qëndrimin e Agron Shehajt, i cili nuk ka komentuar vendimin e DASH për Berishën.
“Respektoj vendimin e çdo njeriu. Njerëzit janë të lirë, e vetmja gjë që dua të theksoj është se s’duhet kategorikisht të ketë ose krijojë idenë që të e një antiamerikanizmi se PD do mbetet një parti e lirisë dhe në botë garant më të madh se SHBA nuk ka. Në Europë ndonjëherë antiamerikanizmi është modë, por gjithmonë prezent”, tha Berisha.
