Denoncimi/ “Po dhjetë mijë lekë më jep”, pezullohen dy mjekët në Fier

Pas pamjeve filmike të transmetuara në emisionin Stop në TV Klan, ku dy prej mjekëve në Spitalin e Fierit shfaqen duke u marrë ryshfet qytetarëve, Ministria e Shëndetësisë dhe Mbrojtjes Sociale i ka kërkuar menjëherë Spitalit të Fierit pezullimin e tyre nga detyra ndërsa organeve kompetente hetimin e plotë të ngjarjes.

Mjeku psikiatër me inicialet A.S., dhe mjeku ORL, me inicialet E.Sh., aktualisht janë pezulluar nga detyra.

Ato u shfaqën një ditë më parë në një prej emisioneve investigative, ndërsa kërkonin rryshfet për shërbimet që ofronin për pacientët.

Pothuajse çdo ditë në media denoncohen rastet korruptive, duke rrëzuar propogandën e qeverisë lihur me shëndetësinë, e cila u përdor nga Edi Rama si një armë e fortë në zgjedhjet e fundit parlamentare, edhe pse pandemia nxorri në pah se sistemi është i kalbur.