Aksident në Fushë-Krujë, plagoset një shofer

Një aksident është regjistruar mesditën e sotme në Fushë-Krujë.

Mësohet se aksidenti ka ndodhur në hyrje të qytetit të Fushë-Krujës, konkretisht tek mbikalimi i rrugës nacionale Milot-Tiranë, ku dy automjete janë përplasur me njëra-tjetrën.

Burimet policore bëjnë me dije se shkak i aksidentit mund të jetë bërë parakalimi i gabuar i njërës prej makinave, e për pasojë është dëmtuar rëndë njëri nga drejtuesit e mjeteve.

Policia ndodhet në vendngjarje ku ka ndaluar drejtuesin e mjetit dhe po punon për zbardhjen e ngjarjes.