Amir Abrashi do të mbajë shiritin e kapitenit në ndeshjen e nesërme me Uellsin, pasi mungojnë Etrit Berisha dhe Elseid Hysaj.
Mesfushori është pjesë e rëndësishme e kombëtares shqiptare dhe normalisht atë e gëzon fakti që mban shiritin.
“Është kënaqësi dhe nderi veçantë te jem kapiten. Është një skuadër që e dashuroj dhe mezi pres që të nisë ndeshje me Uellsin. Më e mira është të luajmë mirë dhe të fitojmë. Le të bëjmë lojën tonë. Janë përgatitje e mirë për sfidat e shtatorit. Do futemi në fushë për të fituar dhe për të forcuar ekipin për të ardhmen”.
“Kundërshtari është i fortë, por edhe ne kemi kualitet për të fituar. Do të japim maksimumin dhe shpresoj të fitojmë. Jam lider, me moshë dhe me vitet që kam luajtur kam fituar eksperiencë. I ndihmoj djemtë e rinj. Edhe me shirit, edhe pa shirit, unë e ndjej veten lider dhe sillem si i tillë”.
“Uellsin e kemi parë, janë të fortë fizikisht dhe luajnë futboll të mirë. Nuk janë kundërshtar të thjeshtë. Ua dimë pikat e forta dhe të dobëta dhe i kemi studiuar me trajnerin”.
