Rinovimi i kontratës, Migen Memelli i vendos kushte Skënderbeut

Migen Memelli u konfirmua në stolin e Skënderbeut edhe sezonin që vjen. Trajneri bëri një punë për t’u lavdëruar në dy fazat e fundit të sezonit, atëherë kur mori në drejtim korçarët.

Ish-sulmuesi ia doli të shpëtojë skuadrën ku më herët kishte luajtur, duke bërë që puna të shpërblehet.

Sezoni i ri në Superligë nuk pritet i lehtë, andaj Memelli ka vendosur bazat e skuadrës. Janë dy emrat që trajneri i kërkon me çdo kusht në skuadër, mbrojtësi Sadriu dhe portieri Rexhepi.

Lojtarët do rikthehen te Shkëndija pasi luajtën në huazim, me Memellin që kërkon nga drejtuesit të hynë në negociata me tetovarët edhe për një tjetër sezon. Nga Meksi, Mensah, Zguro dhe Taipi, Skënderbeu i ri duket se e ka “shtyllën kurrizore” gati.