Lëvizte me armë zjarri në makinë, arrestohet 38-vjeçari në Shkodër

Policia e Shkodrës ka arrestuar një 38 vjeçar, banues në lagjen ‘‘Tre Heronjtë“ Shkodër, pasi është konstatuar se qarkullonte me armë zjarri me vete.

Shërbimet e Policisë, pasi kanë konstatuar një automjet që kryente lëvizje të dyshimta, janë vënë në ndjekje dhe kanë bërë të mundur ndalimin e drejtuesit dhe bllokimin e automjetit.

Burimet policore gjithashtu bëjnë me dije se gjatë kontrollit në automjet, kanë gjetur dhe sekuestruar në cilësinë e provës materiale një armë zjarri pistoletë me një krehër me fishekë.

Materialet iu referuan Prokurorisë së Rrethit Gjyqësor Shkodër, për veprën penale “Armëmbajtja pa leje”.