“Hape derën”/ Fqinjët rrëfejnë momentet e fundit të Shkëlzen Velajt para ekzekutimit (VIDEO)

Një prej fqinjëve të 35-vjeçarit Shkëlzen Veliaj ka rrëfyer momentet e fundit të viktimës para ekzekutimit.

Fqinja është shprehur se 35-vjeçari është qëlluar në derën e shtëpisë, ndërsa ka qenë e ëma që e ka gjetur të plagosur në gjendje të rëndë.

Shkëlzen Veliaj, sipas policisë, humbi jetën në spital pasi u qëllua me armë zjarri rreth mesnatës.

Dëshmitë

Një prej fqinjëve të viktimës e kujton atë si person jo problematik dhe të rregullt.

“Këtu ai s’kishte fare probleme. Interesohej dhe për shtrimin e rrugëve, ai e ka shtruar këtë rrugë këtu duke paguar lekë, edhe ne kemi dhënë po s’pranonte ai i bënte vetë. Pruri edhe një shtyllë ndriçimi këtu. Pra ishte njeri shumë i rregullt për neve. Grua më të mirë në botë nuk gjen si e ëma e tij. E sjellshme e komunikueshme, domethënë shumë fatkeqësi e madhe”, shprehet për gazetarët një prej fqinjëve të viktimës.

Një tjetër komshi e viktimës, rrëfen momentet e fundit të 35-vjeçarit.

“Jam komshi, atje isha mbrëmë”, e nis ajo intervistën me gazetarët.

E mori vesh nëna?

Fqinja: Po patjetër që e mori, e morën dhe në intervistë, por për vdekjen i thanë pas orës 2:30.

Ajo ishte në shtëpi në momentin që ndodhi?

Fqinja: Po në shtëpi, djali i kish fol dhe i kish thënë hape derën. Ajo tha sa vajta të hapja derën dëgjova një zhurmë tha dhe se hapa dot, u tromaksa. Sa hapa derën e gjeta djalin të vrarë.

Ajo ka një fatkeqësi, është vetëm tani, i ka vdek dhe një djalë tjetër, burri?

Fqinja: Më fatkeqësi s’ka ku të vejë më. Në 8 prill bëri 6 vjet djali që i vdiq.

Vetëm është tani?

Fqinja: Tani ka dhe një djalë, por e ka në Itali.

Lexo edhe:

DETAJE/ Atentati në Vlorë, si u ekzekutua 35-vjeçari dhe lidhja me “masakrën e Çoles”