FOTO/ Kush është 42-vjeçari i ekzekutuar në Vlorë, në derën e shtëpisë

Personi në foto është Shkëlzen Velaj, 35-vjeçari i qëlluar për vdekje me armë zjarri rreth mesnatës, në derën e banesës së tij në Vlorë.

Ngjarja ndodhi rreth orës 23:55 të së Mërkurës në lagjen “24 Maji”. Dyshohet se 35-vjeçari ka pikasur që po e ndiqnin dhe ka lënë ndezur automjetin me të cilën lëvizte dhe është drejtuar drejt banesës së tij, që ndohet në katin e pestë të një pallati.

Por, para se të hynte në banesë, ai është qëlluar me breshëri plumbash.

Një nga fqinjët tha për gazetarët se ka qenë e ëma e viktimës që e ka gjetur djalin të plagosur rëndë në pragun e shtëpisë.

Policia konfirmoi se 35-vjeçari humbi jetën në spitalin rajonal si pasojë e plagëve të marra.

Pas krimit, në afërsi të fshatit Risili, nga policia është konstatuar duke u djegur një automjet i braktisur, i cili paraprakisht dyshohet se mund të jetë i autorëve të ngjarjes, që dyshohet të jetë të paktën dy. Në makinë është gjetur edhe një armë zjarr tip kallashnikov.

35-vjeçari i vrarë Shkëlzen Velaj është vëllai i Ardi Velajt, një prej viktimave të ngjarjes së ndodhur në 7 prill të vitit 2015, kur pas një sherri në kazino në Çole të Vlorës mbetën të vrarë Albi Limaj, Haki Rakipi dhe Ardi Velaj. Ajo ngjarje njihet edhe si “masakra e Çoles”, e që dyshohet se pasoi një sërë atentatesh në qytetin bregdetar. Për hetuesit, një hakmarrje e mundshme është një nga pistat e hetimit të vrasjes së 35-vjeçarit.

Lexo edhe:

DETAJE/ Atentati në Vlorë, si u ekzekutua 35-vjeçari dhe lidhja me “masakrën e Çoles”

“Hape derën”/ Fqinjët rrëfejnë momentet e fundit të Shkëlzen Velajt para ekzekutimit (VIDEO)