Atentat në Vlorë/ Vritet me kallashnikov brenda pallatit 35-vjeçari

Qyteti i Vlorës është tronditur sërish nga një vrasje e ndodhur në mesnatë.

Burimet policore bëjnë me dije se rreth orës 23:55, në lagjen “24 Maji”, në rrethana ende të paqarta është qëlluar me armë zjarri shtetasi Sh. V., rreth 35 vjeç, i cili ka humbur jetën në Spitalin Rajonal Vlorë si pasojë e plagëve të marra.

Mësohet se vëllai i viktimës është një prej personave të vrarë në masakrën e “Coles”.

Sipas informaiconit të policisë, në afërsi të fshatit Risili, është konstatuar duke u djegur një automjet i braktisur , i cili paraprakisht dyshohet se mund të jetë i autorit/ve të ngjarjes.

Grupi hetimor, po punon për identifikimin e autorëve dhe sqarimin e rrethanave të ngjarjes.