Mungesa e stërvitjes dhe pasiviteti fizik kanë shumë efekte negative për njerëzit dhe janë përgjegjës për 6% të vdekshmërisë globale, sipas ekspertes turke Hulya Kayıhan, drejtuese e Departamentit të Terapisë së Punës në Fakultetin e Shkencave të Shëndetit në universitetin ”Biruni” në Turqi.
“Pasiviteti fizik është shkaku kryesor i gati 21-25% të kancerit të gjirit dhe zorrës së trashë, 27% të diabetit dhe 30 % të sëmundjeve ishemike të zemrës”, tha ajo.
”Ushtrimet dhe lëvizjet trupore janë metoda më efektive dhe më e lirë për të parandaluar sëmundjet e zemrës, mbipeshën, tensionin e lartë të gjakut, diabetin dhe disa lloje të kancerit”, tha profesoresha.
“Aktiviteti fizik e bën një individ të ndihet më energjik, më i gjallë, aktiv dhe paqësor. Ai mbron dhe përmirëson shëndetin për njerëzit me kufizime të lëvizjes dhe parandalon sëmundjet e shkaktuara nga pasiviteti”, tha Kayıhan.
