Nuk përshtatet me skemën e Dajës, Ferhan Hasani mund të largohet nga Partizani

Ferhan Hasani ishte një nga afrimet e bujshme të Partizanit gjatë merkatos së janari. Mesfushori u afrua me parametra 0 te të kuqtë pasi kishte mbyllur aventurën te Helsinki. Në 5 muaji te Partizani, Hasani u aktivizua vetëm 260 minuta duke mos u preferuar shumë nga trajneri Daja.

Skema që ai përdor te të kuqtë e nxjerr jashtë loje lojtarin që duket se ka një ftohje me trajnerin dhe mendon të largohet. Problem i madh për klubin mbetet paga e tij pasi Hasani ka edhe një vit kontratë me Partizanin.

Tashmë ngelet për t’u parë se cili do të jetë vendimi i klubit, nëse do të “detyrojë” trajnerin Daja të aktivizojë “Bubën” apo të pranojë largimin duke paguar kontratën që kanë firmosur në muajin janar.