Satelitët e manjatit të biznesit, Elon Musk, që kanë “shëtitur” qiejt e Europës, kanë kaluar edhe në Fier.
Në video, ku shihen satelitët teksa “fluturojnë” në qiell. Pamjet në fjalë janë filmuar nga një banor në një fshat të Fierit.
Spektakli i satelitëve është parë nga shumë banorë të qarkut të Fierit.
Vëzhguesit e qiellit në të gjithë Evropën raportuan më herët se netët e fundit kanë parë rrjetin e satelitëve Starlink të Elon Musk që ka dhuruar një spektakël të vërtetë në disa vende europiane, ashtu si edhe hapësirës së territorit shqiptar.
Starlink është emri informal për projektin Space X të Musk i cili ka për qëllim të krijojë një konstelacion satelitësh në pjesën e ulët të orbitës për të përmirësuar shërbimin e internetit. Kujtojmë se satelitët e Elon Musk janë filmuar edhe në disa qytete të tjera të Shqipërisë pak ditë më parë.
Po çfarë është Starlink?
Elon Musk ka lëshuar kohët e fundit në hapësirë dhe njësinë e pestë të satelitëve “Starlink” në kuadër të projektit Space X, duke e çuar numrin e tyre në 300.
Ata formojnë një konstelacion me qindra satelitë, të projektuar për të mundësuar shërbim interneti me çmim më të ulët nga orbita e Tokës. Konstelacioni, i njohur ndryshe si Starlink është duke u zhvilluar në ambientet e SpaceX në Redmond të Uashingtonit. Ndërkohë që qëllimi i tij është që të sjellë internet të shpejtë në shtëpinë tuaj nga hapësira.
