Kryetari në detyrë i PD, Lulzim Basha, ka falenderuar demokratët e Vlorës për mbështetjen që i kanë dhënë.
Me ane të një psotimi në Facebook, Basha shkruan se kushdo që mendon se gjithccka mbaroi pas 25 Prillit, e ka shumë gabim pasi demokratët janë edhe më të fortë.
Sipas tij sot shqiptarët janë të gjithë bashkë ër të mbrojtur lirinë dhe demokracinë.
Postimi i Bashës:
Falenderoj nga thellësia e zemrës demokratët e qarkut të Vlorës. Ndonëse masakra zgjedhore ndaloi përkohësisht ndryshimin, ne u rritëm dhe u bëmë më të fortë sepse luftuam me vetë vlerat tona, idealet tona, vizionin tonë për shqiptarët. Kushdo që mendon se me kaq mbaroi, e ka shumë gabim. Kushdo që mendon se demokratët kanë ndërmend të dorëzohen, e ka shumë gabim. Kjo është përgjegjësia jonë, është detyrimi ynë para Shqipërisë dhe shqiptarëve. Për të mbrojtur demokracinë dhe për të sjellë të gjithë bashkë një të ardhme më të mirë për vendin tonë, për familjet tona për fëmijët tanë.
