Ministri i gjerman i shtetit Michael Roth takim me kryetarin e PD Basha. Në përfundim të këtij takimi kreu i demokratëve deklaroi se e informoi atë mbi masakrën zgjedhore të 25 prillit dhe kërkoi prej tij të ngrej zërin për të vënë në dukje këtë masakër. Basha shtoi se Shqipëria humbi për të ecur përpara. Për mua, tha Basha nuk ka më mirë për ndryshimin e vendit, sesa procesi i integrimit.
“Në këto zhvillimi që kemi parë dhe nga konkluzionet e BE shqipëria ka mbetur në vendnumëro në 8 vite për shkak të mosplotësimit të kushteve që u rënduan më shumë dhe në 25 prill. Ne kemi bërë gjithçka duke filluar me konsensusin me Reformën në Drejtësi dhe me atë për Reformën Zgjedhore. Ajo që i kam kërkuar ministrit Roth është të flasin dhe të denoncojnë masakrën zgjedhore të 25 prillit para se të jetë tepër vonë për demokracinë dhe për shqipërinë. Për të mos lënë që kjo situatë të bëjë që Shqipëria të mbushet me kriminelë. Gjermania ka qenë dhe është mbështetëse e madhe e Shqipërisë dhe për këtë dua t’i shpreh mirënjohjen më të thellë Ministrit Roth, kancelarës dhe Bundestagut.
Nga ana e tij ministri i shtetit Michael Roth deklaroi se hapja e negociatave nuk është e lehtë, ndërsa shtoi se vedet përkatëse kanë dalë me një përfundim për Shqipërinë. Roth deklaroi se Shqipëria ka ende shumë punë për të bërë dhe se shpreson që në 22 qershor të ketë një përfundim të mirë.
Roth: Falënderoj Bashën. Vizita ime në Shqipëri nuk ishte vetëm me qeverinë por dhe opozitën dhe shoqërinë civile. Natyrisht që të gjitha kritikat do adresohen ndaj problematikat do të qartësohen. Ne i besojmë në këtë kontekst veprimeve të ODIHR. Ne i besojmë vlerësimit të tij nëse këto zgjedhje kanë qenë të ndershme.
Jam dakord me Bashën kur thotë se e ardhmja e shqipërisë gjendet në BE dhe askund tjetër. Nëse kjo rrugë do të jetë e suksesshme kjo nuk varet vetëm nga qeveria por dhe opozita. Uroj dhe shpresoj që të gjendet një qasje kontruktive mes opozitës dhe qeverisë. Jam në politikë aktiv prej 23 vitesh dhe prej 8 vitesh në qeveri. Kam qenë dhe në opozitë dhe në qeveri aktiv dhe të dyja këto elemente janë të rëndësishme. Në një sistem demokratik nuk jemi armiq me njëri-tjetrin. Parlamenti është vendi për të çuar punët para.
Komisioni Evropian në muajt e shkuar ka vlerësuar në mënyrë të kujdeshshme nëse janë përmbushur kushtet e Shqipërisë për integrim dhe për mbajtjen e konferencës së parë ndërqeveritare.
Komisioni ka mbërritur në një gjykim për këtë dhe shpresojmë se në 22 qershor të dilet në një rezultat. Falenderojmë presidencën portugeze.
Ju e dini që ky është një hap mjaftë i rëndësishëm. Do jetë një rrugë e gjatë. Gjermania do vazhdojë ta mbështesë Shqipërinë. Çelja e negociatave nuk do të thotë se të gjitha kushtet janë përmbushur.
