Tre persona janë vënë në hetim nga policia e Beratit për krime mjedisore.
Nga njoftimi i policisë bëhet me dije se është në hetim shtetasi M. Sh., 53 vjeç, pasi është konstatuar duke hedhur inerte me fadormë në lulin Osum., F. D., 38 vjeç dhe S. L., 30 vjeç për zaptim të pronës publike dhe nxjerrje të gurëve dekorativ nga Mali i Tomorit.
Shtetasi M.Sh., 53 vjeç, banues në fshatin Selan, Skrapar, është në hetim pasi u konstatua në vendin e quajtur “Teteren”, duke hedhur inerte me një mjet fadromë në shtratin e lumit Osum.
Gjithashtu është marrë në hetim, shtetasi F. D., 38 vjeç, banues në Poliçan, pasi gjatë kontrollit të ushtruar në fshatin Bogovë, Skrapar, ka rezultuar se kishte pushtuar një sipërfaqe toke dhe ushtronte aktivitetin tregtar duke mos paguar tatimet, taksat, dispononte mall pa faturë, si dhe kishte dy punonjës të pasiguruar.
Në hetim është vënë edhe shtetasi S. L., 30 vjeç, pasi gjatë kontrollit u konstatua se kishte pushtuar një sipërfaqe toke publike dhe tregtonte pa faturë tatimore pllaka guri dekorativ, të cilët dyshohet të jenë nxjerrë në Malin e Tomorit.
