Një 55 vjeçar është arrestuar ditën e sotme në Fier, pasi ka patur një konflikt pronësie me shtetasin J.K.
Falë ndërhyrjes së bërë është frenuar përshkallëzimi i situatës në mënyrë të mëtejshme, pasi shtetasi i arrestuar,55 vjeçari Zija Rrapaj, zotëronte edhe një armë zjarri të llojit automatik që u gjet pas kontrollit të ushtruar në banesën e këtij të fundit.
Në përfundim të veprimeve të para hetimore, nga specialistët për Hetimin e Krimeve në Komisariatin e Policisë Fier u bë arrestimi në flagrancë i shtetasit Z. Rr., 55 vjeç, banues në Kashisht, Fier.
Materialet i kaluan Prokurorisë pranë Gjykatës së Shkallës së Parë Fier, për veprën penale “Mbajtja pa leje e armëve dhe municionit luftarak”.
