Komentet për penalltinë, Bejzade bën “profetin”: Partizani nuk merrte më shumë se barazim, Teuta do të fitonte në Laç

Ndeshja e Partizanit kundër Vllaznisë vijon të diskutohet shumë për penalltinë që vendosi fatin e takimit. Shkodranët triumfuan 1-0 me një 11-metërsh të dyshimtë.

Diskutimet kanë qenë të ndryshme, ndërsa së fundmi është Skerdi Bejzade që thekson se të kuqtë nuk do të shkojnë më shumë se 1 barazim. Në një koment me Dritan Laçin, ai shkruan:

“Edhe po mos ishte penallti, Partizani më shumë se barazimi nuk merrte Dritan. Po të mbeste barazim, në Laç fitonte Teuta. Prandaj të thashë Vllaznia ka ekip më të mirë se Teuta kur të shkruajta disa ditë më parë. Edhe të thashë që Partizani do të ketë presion, kurse Vllaznia jo”, përfundon ish-sulmuesi i Superiores.