Deputetja e Zgjedhur e Partisë Demokratike, ka përkujtuar natën e tmerrshme të 1 viti më parë kur me urdhër të Edi Ramës u prish godina e Teatrit Kombëtar.
Me anë të një postimi në Facebook, Vokshi shkruan se si sot një vit më parë ndodhi një akt i pashembullt në historinë e shqipërisë, ku u shkatërrua godina e Teatrit Kombëtar.
Më tej Vokshi thekson se për deputetët demokratë rindërtimi i Teatrit Kombëtar është amanet i shumë brezave të ikur dhe të gjallë aktorësh e qytetarësh të cilit ne do ti shkojmë deri në fund.
Postimi i Vokshit:
Sot, një vit më parë, Edi Rama urdhëroi shembjen e Teatrit Kombëtar. Nën terrorin e mijëra forcave të policisë, në mes të natës e të pandemisë. Një akt i pashembullt në historinë e një shteti ku populli ka identitet dhe tipare europiane. Akt kriminal i krahasueshëm vetëm me herezitë e diktatorëve Hoxha, Stalin, Mao Ce Duni, Pol Poti etj.
Teatri nuk ishte vetëm ndërtesa ku luhej art.
Ishte tempulli i njerëzve të kulturës, të qytetarisë, të identitetit të arkitekturës dhe jetës së kryeqytetit; ishte çerdhja e gëzimit, e takimit të shumë brezave që me emocion dhe me shumë ndjesi, përballeshin me kryeveprat e letërsisë shqiptare, europiane dhe asaj botërore.
Ishte vendi i referimit të civilizimit për këdo që kishte zgjedhur të jetonte në Tiranën tonë. Ishte gjithçka e bukur, por që i bënte hije të rëndë shëmtisë, injorancës dhe brutaliteti të një qeverie që vetëm grabit dhe dhunon aktorët, intelektualët qytetarë e saj.
Sot në memorial të Teatrit, ne deputetët e PD konfirmojmë se rindërtimi i tij është amanet i shumë brezave të ikur dhe të gjallë aktorësh e qytetarësh të cilit ne do ti shkojmë deri në fund.
Kjo është betejë mes politikës dhe pushtetit të Ramës që do të mbajë vendin peng të krimit me korrupsion dhe obskurantizëm dhe nga ana tjetër politikës, vokacionit të shqiptarëve që duan ta vendosin Shqipërinë me dinjitet në identitetin dhe vlerat evropiane.
