Teuta bëri një postim në rrjetet sociale mbrëmë, duke publikuar edhe renditjen aktuale pas 33 javësh kampionat.
Në shkrimin e durrsakëve vihet re ngacmimi ndaj rivalëve, me fjalët: Distancë sociale, pasi janë 3 pikë larg Partizanit të vendit të dytë. Por, nuk bën përshtpyje vetëm kjo gjë. Në listën e ekipeve në garë për titull mungon Vllaznia, e cila është e katërta, por ka të njëjten sasi pikësh me Laçin e vendit të 3-të.
Nuk dihet nëse kjo është rastësi, apo me të vërtetë, “Djemtë e detit” e kanë bërë qëllimisht dhe mendojnë se shkodranët nuk janë në garën për titull. Kategoria Superiore po përjeton një sezon fantastik, shumë ndryshe nga edicionet e tjera.
