Spektakël me 6 gola në sfidën Levante-Barcelona, vendasit i mohojnë kreun katalunasve

Rezultat surprizë në ndeshjen Levante-Barcelona, teksa u duk se për një moment se katalanasit e kishin të garantuar fitoren.

Barcelona kishte gjithçka në dorë sot, por në fund nuk ja arriti të fitojë, po u ndal në barazim 3-3, në një ndeshje kur pjesa e parë u mbyll 0-2 për katalanasit.

Leo Messi tundi rrjetën në minutën e 25 dhe më pas Pedri dyfishoi shifrat në të 34-tën. Me nisjen e pjesës së dytë Ronald Araujo la fushën dhe pas daljes së tij Barcelona futi ujë në mbrojtje.

Në minutën e 57 Melero ngushtoi shifrat, teksa 3 minuta më pas Morales barazoi 2-2. Ousmane Dembele në minutën e 64 tundi rrjetën më një goditje të fortë dhe u duk se i dha fitoren të tijve.

Por nuk kishte përfunduar gjithçka sepse Levante arriti të barazojë me golin e Leon në minutën e 83-të. Me këtë barazim Barcelona lëshon terren dhe i jep mundësinë Atleticos të shkëputet me 4 pikë në rast fitoreje në ndeshjen e radhës, kur kanë mbetur edhe 2 ndeshje.