Saga e krimeve për hakmarrje/ Everest Caka me dy emra, ja për çfarë akuzohet dhe lidhjet me ngjarjet kriminale

Vrasja e sotme në Elbasan duket se është një sagë e nisur para disa vitesh. Everest Caka ose i njohur ndryshe si Ibrahim Caka rezulton të jetë akuzuar për vrasjen e Gëzim Alikajt në 2010.

Madje ai dyshohej atëhere të ishte ekzekutor direkt, pasi vëllai i viktimës i kishte vrarë vëllain në Spanjë disa vite më parë. Të përfshirë në ngjarje ishin dhe Elton Hyka dhe Ardit Spahiu.

Ndërkohë disa muaj më parë në Belgjikë u vra dhe kushëriri i Everest Cakës, Arjan Spahiu me tetë plumba në nëntor të 2020. Ndërkohë Arjan Spahiu del të ketë lidhje familjare me një tjetër personazh tën johur të krimit në Elbasan, Erion Alibej që e kavëlla të burrit të motrës.

Alibej është i arerstuar tashmë si porositës i disa atentateve në Elbasan. Alibej dyshohet se është organizator dhe porositës i vrasjeve të Emiljano Ramazanit dhe Regis Runajt në korrik 2020, teksa ka dyshime të forta se pikërisht ky person ka gisht dhe në vrasjen e Bujar Çelës, vëllait të Talo Çelës.

Nuk mbetet me kaq, pasi Erion Alibej i është vrarë vëllai dhe xhaxhai në ”Masakrën e Bradasheshit” në 2018, ku të vrarë mbetën Endrit Alibej alias Ravik Dylgjeri, Arben Dylgjeri dhe turku Erdal Durunay.

Së për ngjarjen e sotme, u ekzekutua Everest Caka gjatë një atentati në Elbasan, teksa e plagosur mbeti dhe gruaja e tij Silvana Caka.

Ndërkohë në vendgjarje ka mbërritur edhe Drejtori i përgjithshëm i Policisë Ardi Veliu.

https://fb.watch/5qAo2q0cAo/