James Dean, 35 vjeç, ish-futbollist në ligat e ulëta të futbollit anglez, prej 4 ditësh i zhdukur është gjetur i pajetë.
Ai ishte parë për herë të fundit në Oswaldtwistle afër Blackburn, ndërsa është gjetur i pajetë këtë të diel.
Daily Mail shkruan se trupi i pajetë ende nuk është identifikuar, por besohet se është ish-futbollisti. Policia bëri të ditur se është njoftuar edhe familja e 35-vjeçarit. Ndërkohë, shkaqet e vdekjes janë ende të paqarta.
Ai e filloi karrierën te skuadra e Great Harwood Town, në vitin 2007 u transferua te Bury, ndërsa në fund luajti për AFC Fylde.
