Presidenti Meta: Kosova e meriton sa më parë liberalizimi ne vizave me BE

Presidenti Ilir Meta  shprehet se qytetarët e Kosovës e meritojnë sa më parë liberalizimin e vizave me Bashkimin Evropian. Në një postim në Facebook, Meta i referohet edhe takimit me Presidentin e Sllovenisë, Borut Pahor, ku kanë folur për rëndësinë e dialogut Kosovë-Beograd dhe arritjen e një marrëveshje të qëndrueshme.
Deklarata
Qytetarët e Kosovës meritojnë sa më parë liberalizimin e vizave me Bashkimin Europian.
Të njëjtin qëndrim më shprehu sot edhe Presidenti i Sllovenisë, Borut Pahor, me të cilin gjithashtu nënvizuam rëndësinë e vijimit të dialogut Kosovë-Serbi për arritjen e një marrëveshjeje të qëndrueshme dhe reciprokisht të pranueshme nga të dyja palët, që do të përshpejtonte proceset integruese të këtyre vendeve.
E ardhmja e vendeve të Ballkanit Perëndimor nuk është ndryshimi i kufijve por heqja e tyre si në vetë Bashkimin Europian, nëpërmjet bashkëpunimit më të ngushtë rajonal dhe të distancimit nga e kaluara e hidhur.