Ambasadorja e Francës në Shqipëri, Elisabeth Barsacq, ka zhvilluar sot një takim me kreun e Partisë Demokratike, Lulzim Basha.
Në qendër të takimit ka qenë procesi zgjedhor i 25 prillit, i kontestuar nga demokratët. Mësohet se kreu demokrat i ka shprehur diplomates franceze të gjithë kontestimet e demokratëve dhe aleatëve të saj lidhur me zgjedhjet, duke vënë theksin veçanërisht në fenomenin e shit-blerjes së votave dhe përdorimin e administratës publike në zgjedhje.
Gjatë ditës së sotme, Basha është takuar edhe me komisionerin për zgjerimin, Oliver Varhelyi. Basha e ka njohur Varhelyi me pretendimet e PD për manipulimin e zgjedhjeve nga ana e PS, duke përdorur administratën, vjedhjen dhe përdorimit e të dhënave personale.
Kujtojmë se pak ditë më parë kreu i PD-së Lulzim Basha, zhvilloi një takim edhe me shefen e misionit të OSBE-ODIHR, Ursula Gacek, për zgjedhjet e 25 prillit.