Vdekja e aktorit Guljelm Radoja/ Basha: Ishte frymëzim ata që donin dhe duan lirinë, të drejtën dhe dinjitetin!

Kreu i Partisë Demokratike, Lulzim Basha iu është bashkuar reagimeve në lidhje me ndarjen nga jeta të aktorit të njohur shqiptar, Guljelm Radoja, i cili humbi betejën me koronavirusin.

Përmes një mesazhi në Twitter, lideri demokrat teksa ka ngushëlluar familjen e aktorit për humbjen, thekson se Radoja ka pas një trashëgimi të jashtëzakonshme njerëzore dhe artistike.

MESAZHI I BASHES

Me hidhërim të madh mora lajmin për ndarjen nga jeta të artistit të madh Guljelm Radoja. Largimi nga jeta i artistit të madh shqiptar është humbje e madhe për artin dhe kulturën shqiptare. Guljelm Radoja e humbi betejën e parë të jetës së tij por la pas një trashëgimi të jashtëzakonshme njerëzore dhe artistike, ishte një frymëzim për qindra të rinj e qytetarë që donin dhe duan lirinë, të drejtën e dinjitetin. Ngushëllimet e mia shkojnë për familjen e tij, miqtë dhe të afërmit. Guljelm Radoja do të mbetet përjetë mes nesh. U prehtë në paqe!

LEXO EDHE  Moti sot, ja surprizat që ju presin