Partizani luan të shtunë në 19:00 me Skënderbeun në stadiumin e Korçës. Për Demat e Ilir Dajës do jenë jashtë dy titullarë.
Kartonat e verdhë të marrë në sfidën me Apoloninë, kanë bërë që Mala dhe Bardhi të plotësojnë numrin katër të tyre, duke qenë mungesa të sigurta në transfertë.
Në këtë duel pritet të jetë titullar Ferhan Hasani. Fantazisti ka marrë gradualisht minuta në fushë me të kuqtë, duke “ngrohur muskujt” për të qenë nga minuta e parë.
Edhe pse Daja ka bërë me dije se lojtari ende nuk mund të luaj një ndeshje të plotë, gjasat dhe rrethanat mund të bëjnë që shqiptari nga Maqedonia e Veriut ta niste ndeshjen nga minuta e parë. Hasani u afrua në merkaton e janarit te Partizani, duke u cilësuar si lojtari më i mirë i afruar në Superligë.
