Prokuroria e Posaçme kërkoi 63 vite burg në total për anëtarët e grupit të ashtuquajtur Habilaj.
Ata akuzohen për trafik e kultivim narkotikësh në kuadër të grupit kriminal.
Konkretisht SPAK kërkoi për Moisi Habilajn 18 vite burg, Nezar Seiti-15 vite burg, Meridian Sulaj-15 vite burg dhe Fatmir Minaj-15 vite burg.
Moisi Habilaj u arrestua disa vite më parë në Itali si pjesë e operacionit “Rosa dei Venti”, bashkë me anëtarë të tjerë të grupit.
Policia italiane e ka shpallur në kërkim ndërkombëtar trafikantin e dënuar, i cili ndodhet në arrati prej kohësh, pasi u arratis nga banesa ku ishte me ‘arrest shtëpie’.
Në Itali, për grupin është dhënë vendimi dhe nga gjykata e Apelit të Katanis.
Ndërkohë, në vendin tonë, hetimet nisën pas publikimit në media të përgjimeve të autoriteteve italine për anëtarët e grupit.
Ish-ministri i brendshëm Saimir Tahiri dhe ish-drejtori i Policisë së Vlorës Jaeld Çela, i shpëtuan akuzave të rënda dhe u dënuan për shpërdorim detyre. Kurse për dy ish zyrtarë të tjerë të policisë lokale, gjykimi është veçuar teksa ata vazhdojnë të jenë në kërkim.
DENONCO