La Liga/ Sevilla ndalet papritur pas 5 fitoresh radhazi, i thotë lamtumirë titullit

Pas pesë fitoresh radhazi në kampionat, Sevilla përplaset keq. Ekipi andaluzian humbi 0-1 në fushën e vet kundër Athletic Bilbao.

Një hap fals në momentin më të mirë për djemtë e Julian Lopeteguit, të cilët i thonë praktikisht lamtumirë titullit kampion (edhe pse jo matematikisht)

Atletico Madrid kryesuese është 6 pikë larg, teksa kanë mbetur për t’u luajtur edhe katër javë.

LEXO EDHE  Skandal në futbollin shqiptar, lojtari gjakos arbitrin dhe arratiset nga stadiumi

Vendasit luajtën më mirë, por golin e fitores e realizoi skuadra baske.

Athletic Bilbao shënoi golin e tre pikëve në minutën e fundit të takimit me anë të Inaki Ëilliams, i cili u fut në fushë në mesin e pjesës së dytë.

Ylli i ekipit mik finalizoi bukur një kundërsulm të shpejtë duke shokuar Sevillan.