“Vajza e Fatkeqësisë”, Zoe Roth, ka fituar një shumë marramendëse duke shitur pas 16 vitesh fotografinë e saj që u bë meme në rrjet.
Roth, e cila tani është 21 vjeç (atëherë 4), po shëtiste në lagjen e saj në Karolinën e Veriut, kur babai e fotografoi me një buzëqeshje dinake në fytyrë, ndërkohë që zjarrfikësit shuanin zjarrin e rënë në një shtëpi pas saj, shkruan “Neë York Times”.
Fotografia origjinale e saj u kthye në një meme të njohur dhe u ripostua miliona herë gjatë dekadës së fundit, por familja e saj kurrë nuk gjeti një mënyrë për të fituar diçka nga fama e vajzës së tyre në Internet.
Së fundmi u sugjerua që ajo ta shiste imazhin si një shenjë jo-zbavitëse (NFT) për 473,000 dollarë.
“Të jesh në gjendje ta shesësh atë thjesht na tregon se ne kemi një lloj kontrolli, një lloj agjencie në të gjithë procesin”, u shpreh Roth.
Roth shtoi se ajo dhe babai i saj, Dave Roth, kërkuan këshillat e të famshmëve “meme” si
“Girlfriend Overly Attached”, Laina Morris dhe “Bad Luck Brian”, Kyle Craven, para se të punësonin një menaxher dhe një avokat për të drejtuar logjistikën.
Fotoja u ble nga koleksionisti Farzin Fardin Fard, CEO i një kompanie të prodhimit të muzikës me bazë në Dubai.
