Pas mbylljes së votimit në të gjithë vendin, duket se Prokurori i Përgjithshëm Olsjan Çela u kujtua të bëj thirrje për nisjen e hetimeve. Deklarata e tij për shtyp vjen menjëherë pasi ambasada amerikane përgëzoi Ramën për zgjedhjet, duke i certifikuar ato, pa u shprehur ende KQZ.
Po kështu Çela nis hetimet vetëm pas zgjedhjeve, ndërkohë votat u blenmasivisht para tyre. Duket një vendim i vonuar dhe për të bindur opozitën se po punon me përkushtim.
Ishte opozita ajo që para ditës së votimit ka bërë publik vjedhjen masive të votave dhe askush nuk reagoi , as Olsjan Çela, i cili priti të fliste më parë ambasada e SHBA në Tiranë.
Duket se edhe prokuroria ashtu si policia të jetë e kapur. Ai u drejtohet me një kërkesë prokurorive në rrethe “Për intensifikimin e masave administrative dhe procedurale për hetimin dhe ndjekjen penale të veprave penale në fushën e zgjedhjeve”.
Kryeprokurori ka kërkuar një hetim të plotë të krimit zgjedhor dhe shqyrtim të të gjitha ankesave të ardhura nga partitë politike.
Ne dokumentin e prokurorisë thuhet se hetimi duhet të vijojë me intensitet.
