Në numërimin e votave preferenciale deri më tani 4 janë qarqet që mund të sjellin surpriza për sa i përket kandidatëve që mund të ulen në karriget e parlamentit për shkakt të votës preferenciale, dhe jo renditjes në listë, janë Tirana, Elbasani, Shkodra dhe Fieri.
Deri më tani në Tiranë Fatmir Xhafaj i 23 në listë dhe Ornaldo Rakipi i 30 në listë po i afrohen thyerjes së herësit, dhe që nëse e arrijnë mund ti zënë vendin e sigurt Fidel Yllit dhe Eduart Shalsit.
Nga PD deri më tani në qarkun e Tiranës nuk ka ndonjë pritshmëri për thyerje herësi.
Në Elbasan kandidati i PD-së Luçiano Boçi që është i shtati në listë mund të thyejë herësin e me anë të votës preferenciale të sigurojë mandatin e deputetit duke i zënë vendin Eugen Isait.
Në Shkodër po ashtu kandidati i PD-së Bardh Spahia mund të arrijë të thyejë herësin duke i zënë vendin kandidatit Zef Hila. Këto janë të dhëna të deritanishme. Procesi i numërimit ende vazhdon dhe vetëm në fund të tij do të kemi një pasqyrë të qartë. Bardh Spahia ka 6121 vota, duhen 10 354 vota.
Edhe në qarkun e Fierit kandidati i PD-së i renditur i 7 në listë, Agron Kapllanaj deri më tani mban vendin e parë duke patur mundësinë për të thyer herësin.
Nga ana e PS në Fier, kandidati nr 10 Gramoz Ruçi po i afrohet herësit të votës prefernciale duke patur mundësine të zerë sërish karrigen e deputetit, ndonëse është ende herët për të dalë me një përfundim. Ruçi do ta ketë shumë të vështirë të kalojë pragun përmes herësit, ndryshe nga Kapllanaj i PD-së që rezulton shumë i votuar deri në këto momente.
