Kreu i Komisionit Qendror të Zgjedhjeve, IlirjanCelibashi ndodhet tek “Shkolla e kuqe” për të parë nga afër procesin e numërimit, në KZAZ 38.
Në një prononcim për mediat, Celibashi tha se tashmë në kryeqytet ka nisur numërimi për katër KZAZ. Sipas tij procesi deri tani është duke shkuar mirë.
“Ka nisur procesi i numërimit në katër KZAZ. Mendoj që procesi i dorëzimit të bazës ka shkuar shumë mirë. Nuk kemi raportuar incidente. Edhe procesi i numërimit do të shkojë mirë.
Rezultatin mbi pjesëmarrjen do ta kemi pasi të kemi marrë të gjitha informacionet. Numërimi duket mirë deri tani,” theksoi ai.
