Nënkryetrja e KQZ-së, Lealba Pelinku, tha se mbulimi nga operatorët ka qenë i kënaqshëm, pavarësisht se disa qendra votimi ka qenë pa operatorë. Nënkryetarja u shpreh se mungesa e operatorëve ka qenë pasojë e infrastukturës së keq në zonat e thella.
“Mungesa e operatorëve nuk lidhet me trajnimin apo numrin e aplikimeve lidhet me refuzimin e operatorëve për të dhënë shërbimin në zona të largëta, në ato zona ku ka mungesë infrastukture”,- tha Pelinku.
Nënkryetarja e KQZ-së tha gjithashtu se vendosja e paisjes elektronike për identifikim është bërë për të shmangur deformimin.
“Ky ishte qëllim për të shmangur rastet që deformojnë. Në radhë të parë janë evdientuar në kohë reale dhe janë denoncuar në KQZ personat që janë paraqitur dy herë dhe do i nënshtrohen hetimit”,- u shpreh ajo.
Nënkryetarja Pelinku shtoi se problemi me aplikacionin ka sjellë dhe mos ecjen në të njëjtën mënyrë me raportimin në qendrat e votimit.
