Nga Ledio Braho
Dita e zgjedhjeve, duhet të jetë e tillë që të garantojë që vota e çdo qytetari shqiptar të jetë vetjake, e barabartë, e lirë dhe e fshehtë.
Askush nuk duhet të ndjehet nën trysninë e një vote të shit-blerë, apo të premtuar ndaj çdo lloj forme të korrupsionit aktiv të ushtruar nga kushdo. Mënyra më e mirë të për ndalur një herë e përgjithmonë korrupsionin aktiv në zgjedhje është ajo e votimit sipas vullnetit të pavësuar.
Askush nuk duhet të ndjehet i frikësuar nga risitë teknologjike të këtyre zgjedhjeve. Ato shërbejnë vetëm për të garantuar që zgjedhjet do të jenë të lira dhe të ndershme. Në njësinë 10 në Tiranë që do të votohet në mënyrë elektronike është krejtësisht e pamundur që të identifikohet vota, madje është sistemi më i mirë i mundshëm që bën të pamundur votimin e pavlefshëm apo fotografimin e votës. Kamerat në çdo QV janë garanci për zbatimin e ligjit nga çdo komisioner dhe shmangien e votimit familjar si dhe dënimin e kujtdo që do të tentojë të votojë në emër të një qytetari tjetër.
Ndaj, nesër, kushdo që kërkon përgjegjshmëri për 4 vitet e ardhshme, të sigurohet që do të japë një votë të vlefshme dhe të lirë.
Tashmë është momenti që dita e zgjedhjeve të konsiderohet ditë feste e jo ditë presioni e korrupsioni.
