Gazmend Bardhi tha në ‘Opinion’ se i pari që sulmoi me armë ka qenë Klement Xhaferri. Sipas Bardhit, policia ka ndërhyrë dhe personave që kanë qenë me armë, u kanë drejtuar armët punonjësve të policisë së shtetit. Më pas ai tha se janë plagosur dy ish punonjës të Policisë së Shtetit që kanë qenë pjesë e strukturës së mbrojtjes së votës.
Anëtarët e strukturës së mbrojtjes së votës tha Bardhi kanë qëndruar në krahë të Policisë së Elbasanit.
“Policia është njoftuar prej një jave se një grup i strukturuar kriminal është përfshirë në blerjen e votave dhe nuk ka ndërhyrë. Struktura e mbrojtjes së votës ka konstatuar që personi ishte duke paguar para dhe duke i marrë kartën një qytetari. Ka ndërhyrë dhe ka ndaluar makinën dhe ka njoftuar policinë”, tha Gazmend Bardhi.
