Sondazhi për Tiranën, ja si ndahen mandatet mes PS, PD e LSI

Tirana është qarku më i nxehtë dhe më i madh në vend me plot 36 mandate. Sipas të anketuarve nga Antonio Noto 46-50% të votave në kryeqytet do të merren nga PS.

E përkthyer në mandate, do të thotë se 18-19 mandate do të merren nga socialistët.

PD dhe aleatët sipas sondazhit marrin 39-43%, ose 15-17 mandate. Ndërsa LSI merr 4-8%, ose 1-2 mandate në këto zgjedhje.

PSD e Tom Doshit shkon nga 0.5-2.5%, por që nuk përkthehet në një mandat.

Po ashtu në këto shifra është edhe Nisma Thurje, me një mesatare prej 1.5% të votave të kryeqytetit.

LEXO EDHE  Halit Valteri: Meta të ishte dënuar që kur lëpinte gishtat, kur numëronte paratë në videon me Priftin

Të pavendosurit në Tiranë kanë rënë nga një muaj më parë, kur ishin 26%, ndërsa sot janë 19%.

Krahasuar me rreth një muaj më parë PS nuk ka ndryshuar nga kuota e saj, madje as nga kuota në vitin 2017.

Ndërkohë, PD dhe Aleatët krahasuar me një muaj më parë, ka një rënie me 2%, por në raport me vitin 2017 ka një rritje me 6.4%.