Fluturimet direkte Londër-Kukës, si mashtroi Rama dhe Balluku

Kryeministri Edi Rama dhe ministrja Belinda Balluku gjatë ditëve të fundit kanë promovuar si një sukses vënien në funksionim të aeroportit të Kukësit. Madje përmes batutave Rama dhe Balluku flsinin për çunat çamarrokë të rrjeteve sociale që do të kishin mundësi të udhëtonin direkt nga Londra në Kukës.

Por faktet tregojnë se nuk ka një linjë direkte nga Aeroporti i Kukësit për në vendet e tjera.

Në faqen zyrtare të Aeroportit Ndërkombëtar “Nënë Tereza” shihet se avioni i “Air Albania” i nisur nga Londra pritet të zbresë në Aeroportin “Nënë Tereza”, ndërsa prej aty do të niset për në Kukës.

Kjo tregon se avionët do të ulen më parë në Aeroportin e Rinasit, për të vijuar më tej rrugën për në Kukës, pasi nga aeroporti i ri i bërë tashmë në vend nuk ka linjë direkte me vendet, ku është parashikuar të ketë udhëtime.