Nën thirrjet “Rama ik” dhe “Fitore, Fitore”, dhjetra demokratë kanë pritur kreun demokrat Lulzim Basha, i cili pas Sarandës dhe Delvinës, ka vijuar turin e takimeve në Tepelenë.
Basha është përshëndetur me qytetarët, të cilët i ka ftuar të votojnë nr 9 në fletën e votimit, ndërsa u shpreh optimist se në 25 prill, shqiptarët do t´i bashkohen ndryshimit.
Kreu demokrat paralajmëroi se do të ketë një tur të gjatë takimesh sot, nga Saranda në Tropojë, duke u ndalur në 9 qytete të vendit.
