Pas takimit të Kryeministrit Edi Rama në Librazhd të rinjtë e FRESSH kanë festuar, duke shkelur të gjitha rregullat anti-Covid.
Menjëherë pas përfundimit të takimit, të rinjtë socialistë kanë organizuar një party dhe ajo çka vlen të theksohet është pikërisht fakti se njëra nga organizatoret, Brixhilda Biçaku (Drejtore e Drejtorisë së Urbanistikës Bashkia Librazhd), i “këshillon” që asnjë foto dhe video të mos dalë dhe të bëhet publike, me qëllim që në takimin e radhës të kenë mundësi të bëjnë një MEGA Party tjetër!
Këtë e ka bërë të ditur një qytetar për ‘Joq’, teksa ka ndarë dhe videon.
“Pershendetje JOQ. Mbas takimit të Edi Ramës në LibrazhdFreshi në party ne kundershtim me propaganden e tyre me masat e Covid.Per me teper bejne dhe presion te hapur ndaj militanteve te tyre”, shkruan qytetari.
E ndërsa Kryeministri në çdo takim elektoral që zhvillon akuzon opozitën se me fushatën e saj po infekton qytetarët, pamjet e mëposhtme nuk kanë nevojë për koment.
Prej më shumë se 1 viti, lokalet e natës janë të mbyllura në kuadrin e masave anti-Covid, por kjo duket se nuk vlen kur socialistët organizojnë festa.
