Kontrollorët e arrestuar një javë më parë, të cilët akuzohen si organizatorë të protestëd që solli bllokimin e fluturimeve në Aeroportin e Rinasit kanë apeluar vendimin në Gjykatën e Shkallës së Parë. Përmes avokatit të tyre mbrojtës, ata kanë depozituar kërkesë për një masë më të butë sigurie.
Fundjavën e shkuar, gjykata e Tiranës vendosi arrest me burg për dy prej tyre Armando Fezgën dhe Muhin Mezinin ndërsa Flora Ndreca u la në arrest shtëpie. Ndaj tyre është ngritur akuza e shpërdorimit të detyrës e kryer në bashkëpunim.
Si provë kryesore ndaj tyre prokuroria ka përgjimet telefonike. Sipas dosjes hetimore, janë zbardhur komunikimet që kontrollorët kanë kryer me njëri tjetrin në Whatsup.
Sipas hetimeve, Flora Ndreca, Armand Fezga dhe Muhin Mezini kanë ndikuar tek kontrollorët që të plotësojnë formularin për paaftësi të përkohshme në punë.
Në disa raste prokuroria thotë që të dyshuarit e kanë plotësuar formularin e paaftësisë edhe për kolegët e tyre ndërsa me ata që kanë kundërshtuar kanë bërë është insistuar deri në hedhjen e firmës.
