“Buzëqesh” Ilir Daja, lojtari i Partizanit kthehet nga dëmtimi

Partizani dhe Kastrioti sfidojnë njëra tjetrën në fundjavë, në kuadër të Superiores. Trajneri Ilir Daja po vijon përgatitjet me ekipin, teksa seanca e parë është kryer ditën e hënë. Më pas, të martën është lënë pushim nga tekniku dhe të mërkurën ekipi është rikthyer në fushë.

Trajneri Daja ka marrë një lajm të mirë përpara këtij 90 minutësh. Esat Mala “hedh pas shpine” dëmtimin dhe është gati. Problemet në kavilje i përkasin të shkuarës, teksa tani do jenë një futbollist më shumë në dispozicion të “timonierit”.

LEXO EDHE  Nesër Shqipëria mbyll përfaqësimin në Olimpiadë, e gjithë vëmendja te Luiza Gega

Partizani është e 3-ta në renditje me 47 pikë, po aq sa edhe Vllaznia. Kategoria Superiore është në prag të javës së 28-të, e cila pritet të jetë e “zjarrtë”.