Vrasja në Dibër, arrestohet autori i dytë

Viktima Xhetan Konesha

Altin Mera, 42 vjeç, në kërkim për vrasjen e 50-vjeçarit Xhetan Konesha një ditë më parë, është vënë në pranga.

Burime zyrtare nga policia konfirmuan këtë të Mërkurë se Mera u vetëdorëzua mëngjesin e sotëm.

“Ky shtetas qëndronte prej ditës së djeshme i fshehur në një banesë të braktisur në fshatin Lishan dhe në pamundësi për t’u larguar, ka dalë nga banesa dhe është vetëdorëzuar para shërbimeve policore që po kryenin kontroll në atë zonë”, njoftoi policia.

Dje, pas krimit, u arrestuar vëllai i 42-vjeçarit, Muhamet Mera, 30 vjeç.

LEXO EDHE  I nxehti afrikan, 15 pacientë shtrohen çdo ditë tek Neurologjia

Vrasja

Nga hetimet paraprake, dyshohet se dy vëllezërit, në vendin e quajtur “Kryqëzimi i lagjes Koneshe”, Njësia Administrative Luzni, pas një konflikti për motive të dobëta, kanë qëlluar me armë zjarri automatik 50-vjeçarin Konesha.

Ky i fundit humbi jetën në spital.

Referuar raportimeve mediatike, konflikti mes palëve nisi për një kanal uji që ndante pronat e viktimës dhe autorëve.

Policia sekuestroi armën e zjarrit me të cilën dyshohet se u krye vrasja.