Dëshmi të reja janë publikuar nga vrasja e gazetarit, George Karaivaz që tronditën Greqinë.
Motra e gazetarit, Anatoli Karaivaz dhe xhaxhai i tij Nikos Kamatoglou folën për mediat pas varrimit të gazetarit. Motra e viktimës tregoi se kontakti i fundit që pati me të vëllain ishte data 5 prill, kur edhe kishin shkëmbyer mesazhe në në telefon.
Karaivaz tha se vëllain dukej sikur diçka e shqetësonte, pa pasur mundësinë të mësonte më shumë.
Gjithashtu mediat greke shkruajnë për dëshminë e një qytetareje e cila u ndodh para momentit të atentatit, ku përshkruhen detaje disa minuta para se autorët ta ekzekutonin.
“Njëri kishte veshur një jelek anit-plumb. Flokët i kishte të prerë, ndërsa tjetri kishte veshur pantallona ushtarake”, thuhet në dëshminë e gruas.
Më tej gruaja e ndodhur rastësisht në vendin e ngjarjes, shton se autorët të cilët po e prisnin gazetarin pranë shtëpisë së tij, dukeshin të shqetësuar.
