Zapata-Ilicic i japin fitoren Atalantës, Fiorentinës nuk i mjafton Vlahovic

Në “Artemio Franchi” ndodhi gjithçka, por në fund të sfidës festoi Atalanta, e cila me meritë të plotë është në zonën Champions, pasi e dominoi Fiorentinën me gola, teknikë dhe presion shumë të lartë (2-3). Suksesi i katërt radhazi për zikaltrit nga Bergamo, që në k ëtë sfidë falë dyshes Zapata-Ilicic, që e bënë të pavlefshëm dygolëshin e Vlahovic.

Sulmuesi kolumbian i Atalantës e shënoi golin e parë në minutën e 13-të, i shërbyer nga Malinovski. Të dy këta lojtarë u shfaqën protagonistë edhe në minutën e 40-të, për golin e dytë të bergamaskëve.

LEXO EDHE  VIDEO/ Italiani Jacobs shkroi historinë, mamaja që kishte parashikuar gjithçka “kërcënon” Bolt

Fiorentina mundi të kthehej në lojë në pjesën e dytë, teksa Vlahovic realizoi dy herë brenda nëntë minutave lojë.

Gjithsesi, ekuilibri në rezultat qëndroi për pak minuta, pasi Ilicic shndërroi në gol të 11-metërsh në minutën e 70-të për rezultatin përfundimtar 2-3.