Bilbil Shirja, 48 vjeç, i ciliu gjet i varur në një pemë mesditën e sotme në Kavajë, dyshohet se dogji të gjallë brenda në makinë gruan e tij Fëllënxa.
Ngjarja dyshohet se ka ndodhur për motive xhelozie, ndërkohë që çifti ishin prindër të një vajze të martuar, dhe të një djali 17-vjeçar.
Shirja, i cili mbante dhe emrin Majkell, në rrjetet sociale, jetonte së bashku me bashkëshorten e tij në fshatin Manskuri të Kavajës.
Bilbil dhe Fëllënxa Shirja ishin në proces divorci dhe ditën e hënë ata kishin seancën përfundimtare.
Grupi hetimor nën drejtimin e Prokurorisë po punon për sqarimin dhe zbulimin e rrethanave te ngjarjes së rëndë.
Njoftimi i plotë i Policisë:
Më datë 10.04.2021, rreth orës 11:45, në fshatin Manskuri, Kavajë, është gjetur i djegur plotësisht një mjet.
Brenda mjetit është gjetur një kufomë e djegur, e cila dyshohet se i përket shtetases me iniciale F. Sh., 45 vjeçe.
Nga kontrolli i zonës përreth është gjetur i vetëvarur në një pemë bashkëshorti i saj, shtetasi B. Sh., 48 vjeç.
Grupi hetimor ndodhet në vendngjarje dhe nën drejtimin e Prokurorisë po punon për sqarimin dhe zbulimin e rrethanave te ngjarjes.
