Fotografia tregon një pjesë të sasisë së kokainës sekuestruar këtë të Shtunë në Portin e Durrësit.
Sasia e drogës është ndarë në disa paketime.
Në një tjetër foto, duket se në nga pakot është mbishkrimi “El mejor” (më e mira) dhe foto e Pablo Eskobar, ish-bosit kolumbian të kokainës, i etiketuar dhe si “Mbreti i kokainës”. Në një tjetër paketim, është mbishkrimi “Viejon” (i moshuar).
Nga raportimet mediatike, flitet se janë sekuestruar rreth 200 kg, por ende nuk ka një konfirmim nga policia.
Ndërkohë, efektivët kanë ndaluar një prej pronarëve të kompanisë që porositi ngarkesën me banane. Në kontejnerët ku ndodheshin frutat, që vinte nga Ekuatori, u gjet dhe droga.
Burime pranë grupit hetimor thanë se prokuroria e Posaçme ka urdhëruar arrestimin e të dy pronarëve të kompanisë “MASABI FRUITS” SHPK, Erion Peti dhe Klajdi Xibraku, kushërinj me njeri-tjetrin.
Lexo edhe: