Personat në foto janë Erion Peti dhe Klajdi Xhibraku, pronarët e “MASABI FRUITS” SHPK, kompanisë që porositi ngarkesën me banane ku u gjet sasia e kokainës.
Xhibraku është ndaluar nga policia, ndërsa për të dy, siç bëjnë me dije burime pranë grupit hetimor, janë prerë urdhër-arreste nga Prokuroria e Posaçme.
Droga është sekuestruar këtë të Shtunë në një kontejner në Portin e Durrësit. Kokaina u gjet në një kontejner me banane. Kompania porositëse e frutave është “MASABI FRUITS” SHPK.
Referuar të dhënave në Qendrën Kombëtare të Biznesit, pronarët e firmës janë Erion Peti dhe Klajdi Xibraku, kushërinj me njeri-tjetrin. Sipas të njëjtave burime, ata janë ortakë në kompaninë me seli qendrore në Tiranë me 50 përqind të aksioneve secili.
Raportohet se sasia e kokainës në kantier, sipas raportimeve mediatike, është rreth 200 kg, megjithatë ende nga ka një konfirmim nga ana e policisë. Droga dyshohet se vinte nga Amerika Latine, nga shteti i Ekuadorit dhe raportohet se ishte fshehur në fund të kontejnerit me banane.
Administratori i “Masabi Fruits”, Erjon Peti ka folur mediat lidhur me ngjarjen, duke deklaruar se kanë arrestuar ortakun e tij, që e ka dhe djalë daje, por shton se nuk ka asnjë dijeni për sasinë e drogës.