“Rilindja duhet t’i gjejë një vaksinë Ramziut për ta ruajtur nga shëndeti mendor me të cilin do të diagnostikohet më 25 prill”, shprehet deputeti Lefter Maliqi, i cili vijon fushatën në Qarkun e Beratit, si pjesë e listës së kandidatëve nga LSI.
Maliqi thekson se nuk ka nevojë më për asnjë sondazh, pasi sondazhi i vërtetë janë këta njerëz që kërkojnë ndryshimin e madh nga mëngjesi deri në dakrë.
“Rilindja është braktisur nga socialistët e vërtetë dhe Kryerilindasin e ka kapur tmerri i humbjes së thellë më 25 Prill.
Nuk ka marifet mavi që e devijon votën e shqiptarëve më 25 Prill.
Takimet tona me qytetarët në Berat dhe në gjithë Shqipërinë po e lënë pa gjumë Ramziun dhe shpurën e tij të konsumuar në 8 vitet që rrënoi Shqipërinë dhe shqiptarët.
LSI do të jetë uragani i fitores që nga Berati dhe në gjithë Shqipërinë, për t’ju bashkuar fitores historike të Opozitës së Bashkuar”, shkruan Maliqi në rrjetet sociale.
